សណ្ឋាគារ អិលប៊ីអិន អេស៊ាន និង ឌឹរីវើស្កាយបារ

ពន្លឺភ្លើងដែលរៀបចំឡើងធ្វើអោយមានភាពស្រទន់ និងមិនមានផលប៉ះពាល់ដល់សុខភាពភ្នែក។ ស្ថាបត្យកម្មនៃការរចនាបថសណ្ឋាគារនេះ និងធ្វើអោយភ្ញៀវដែលមកស្នាក់នៅទទួលបានភាពស្រស់ស្រាយ ជាមួយនឹងទិដ្ឋភាពមុំពីរសំខាន់ៗ គឺទិដ្ឋភាពនៃផ្ទៃទន្លេមេគង្គប៉ែកខាងកើត ទិដ្ឋភាពស្ពានគីហ្សូណា និងផ្ទៃនៃដងទន្លេមេគង្គប៉ែកខាងត្បូង។ ភ្ញៀវមកស្នាក់នៅក៏អាចរីករាយជាមួយនឹងការគយគន់ទេសភាពថ្ងៃរះ និងថ្ងៃលិចពីដំបូលនៃសណ្ឋាគារផងដែរ។ សណ្ឋាគារក៏មានបំពាក់ប្រព័ន្ធចម្រោះ និងកែច្នៃប្រើប្រាស់ទឹកឡើងវិញ ដើម្បីចូលរួមចំណែកកាត់បន្ថយការបំពុលបរិស្ថានផងដែរ។ សណ្ឋាគារ អិលប៊ីអិន អេស៊ាន មានទីតាំងតាមបណ្តោយផ្លូវជាប់មាត់ទន្លេមេគង្គ នៅក្នុងក្រុងកំពង់ចាម ខេត្តកំពង់ចាម។ នាពេលល្ងាច លោកអ្នកអាចរីករាយ និងបរិយាកាសខ្យល់ត្រជាក់បរិសុទ្ធ ភ្លក់នូវរសជាតិស្រាក្រឡុក និងស្តាប់តន្ត្រីពីរោះៗពី ឌឹរីវើស្កាយបារ ដែលមានភាពទំនើបទាន់សម័យ អាចប្រៀបធៀបបានទៅនឹងស្កាយបារនានា ដែលមាននៅតាមបណ្តាសណ្ឋាគារមួយចំនួននៅក្នុងតំបន់ ដូចជាប្រទេស សិង្ហបុរី ជាដើម។